A revista T·I·A·S. This Is Also Science, impulsada polo Post-Growth Innovation Lab da Universidade de Vigo coa colaboración do CISPAC, presenta un número especial ilustrado e accesible tras a publicación do seu terceiro volume, dedicado ao poder da colectividade.
O encontro terá lugar o xoves 18 de xuño, ás 12.00 horas, no Seminario 103 do CISPAC, e reunirá parte do equipo investigador responsable dos novos traballos desenvolvidos nesta cavidade de Castroverde, un dos contextos paleolíticos máis relevantes de Galicia.
O programa propio do centro apoiará novas propostas colaborativas lideradas por persoal investigador posdoutoral do CISPAC. Os proxectos seleccionados abordan cuestións como a memoria rural, os coidados, a ciencia aberta, o patrimonio arqueolóxico das serras orientais e as condicións de vida na Compostela altomedieval.
A sede do CISPAC localízase no edificio Fontán, que constitúe o derradeiro módulo na configuración do proxecto Cidade da Cultura de Galicia, inaugurado en outubro de 2021 e que acolle outras institucións, como son o Consorcio Interuniversitario de Galicia, ou a Axencia para a Calidade do Sistema Universitario.
Cun espazo útil de 2.559 m2 e albergando ata 111 académicos universitarios, o CISPAC contribúe á consolildación do macrocomplexo cultural que xera a Cidade da Cultura, e que representa, no seu conxunto, un retorno de 24 millóns de euros anuais en actividades culturais e intensivas en coñecemento, incluíndo tamén o emprendemento social.
Investigación
Transferencia
