Estes dous investigadores do CISPAC veñen de ser recoñecidos nas listaxes de investigadores/as máis citados elaborados pola Universidade de Stanford e por Clarivate, respectivamente.
Entre os seis historiadores/as especializados en historia agraria que aparecen no ranking mundial 2022 data-update for Updated science-wide author databases of standardized citation indicators, da Universidade de Stanford, atópase a investigadora de HISTAGRA Stefania Barca. Ademais, é a única muller e a única da Universidade de Santiago de Compostela de Humanidades.
Na clasificación Highly Cited Researchers (HCRs), elaborada por Clarivate, inclúense en 2022 as e os 6938 investigadores máis citados do mundo de 69 países. Jesús Simal aparece no campo denominado Cross-Field, ou Multidisciplinar. Con esta suma tres aparicións, nos anos 2018, 2020 e 2022.