A Universidade de Santiago de Compostela e o Concello de Santiago colaboran na organización da VI edición da Feira das emprendedoras de Compostela, dedicada á economía feminista e á economía do coidado. Este evento terá lugar entre o 24 e o 26 de setembro, e contará cunha serie de actividades formativas de balde para visibilizar cuestións relacionadas cos traballos das mulleres en diferentes ámbitos.
O CISPAC estará presente na actividade formativa do xoves 26 de setembro. Esta sesión será impartida por Bibiana Martínez, investigadora colaboradora do noso centro, e leva por título “Analizando a economía circular dende o prisma da economía feminista. Sustentabilidade e coidados”.
Podes inscribirte ás diferentes actividades premendo aquí.
