O novo grupo de investigación Aevum. Idade Media e Medievalismos (GI-2213), coordinado pola investigadora Diana Pelaz Flores (USC-CISPAC), organiza unha nova conferencia.
O vindeiro martes 13 de maio de 2025, ás 19h, o investigador Ulrich Pfisterer (Zentralinstitut für Kunstgeschichte, Munich) impartirá a conferencia Mandrake – A Natural History of Image-Making in Early Modern Europe na Sala de Profesorado da Facultade de Xeografía e Historia da USC. Pfisterer é catedrático de Historia da Arte na LMU de Múnic e director do Zentralinstitut für Kunstgeschichte. É especialista en arte do Renacemento e a Idade Moderna, cunha ampla traxectoria en iconografía e teoría da imaxe.
Este acto está financiado polos proxectos de investigación “Iwein – digital” (AEI PID2022-137490NB-I00) e “Patrimonio manuscrito e imaxinación xeográfica na Europa Atlántica: textos, imaxes e territorio” (Xunta de Galicia, ED431F 2023/27), en colaboración co CISPAC.
