Ciclo de seminarios HABITARES

O vindeiro luns 23 de setembro dará comezo HABITARES na Facultade de Socioloxía da Universidade da Coruña. Este ciclo de seminarios, organizado polo investigador Carlos Diz (UDC-CISPAC), estará dedicado a re/pensar como habitamos os territorios, os corpos, as metodoloxías e a vellez.

A primeira sesión, titulada “Etnografías hospedantes, debuxos falados e outras maneiras de habitar a vellez”, será impartida por Claudia Delso Carreira o mesmo 23 de setembro.

Podes descargar o programa completo na seguinte ligazón.