O Consello Asesor Científico Externo (SAB) é un órgano consultivo composto por un máximo de sete investigadores e investigadoras con perfís de referencia científica en ciencias humanas e sociais e nos campos da axenda científica que ademais son expertos internacionais xestión operativa, dirección e avaliación de entidades de investigación.

Membros do SAB:

• Agustín Azkárate Garai-Olaun. Catedrático de Arqueoloxía da Universidade do País Vasco. 
• Primitiva Bueno Ramírez. Catedrática de Prehistoria da Universidade de Alcalá de Henares.
• Manuel González de Molina Navarro. Catedrático de Historia Contemporánea na Universidade Pablo de Olavide, Sevilla. 
• Rafael Mata Olmo. Catedrático de Análise Rexional no Dpto. de Xeografía da Universidade Autónoma de Madrid.
• Dolores Puga González. Científica Titular do CSIC no Instituto de Economía, Xeografía e Demografía (Dpto. de Poboación).
• Nancy L. Peluso. Profesora Distinguida Henry J. Vaux de Política Forestal na Universidade de California, Berkeley. 
• Enric Tello Aragay. Catedrático do Historia Económica da Universidade de Barcelona.

O Consello de Transferencia é un órgano asesor externo, integrado por representantes de institucións públicas e privadas, organismos e fundacións da contorna socioeconómica e cuxos ámbitos de actuación coinciden cos da axenda científica do CISPAC. Entre as súas funcións destácase a procura da rendibilidade social das actividades que se desenvolven no seo do CISPAC para acadar un retorno produtivo no territorio orientado a sociedade civil e favorecer e impulsar con xeito accións de transferencia, e promover a suficiencia económica do centro. 

Membros do Consello de Transferencia:

• Axencia Turismo de Galicia. Institución da Xunta de Galicia encargada da planificación da política de ordenación e inspección, fomento e competitividade do turismo que deben rexer no territorio galego. 
• Consello da Cultura Galega. Órgano estatutario da C.A. de Galicia de carácter asesor e consultivo, que ten como finalidade promover, difundir, asesorar e preservar os valores culturais do pobo galego.
• Deputación de Ourense. Órgano institucional da provincia que engloba aos 92 concellos desta, encargándose de ofrecer diversos servizos aos cidadáns ademáis de fomentar a colaboración entre os municipios.
• Consello Económico e Social de Galicia. Órgano consultivo da Xunta de Galicia creado para facilitar a participación dos axentes socioeconómicos e dos representantes da sociedade civil organizada na vida económica, social e cultural galega, así como no proceso de toma de decisións. 
• Fundación Juana de Vega. Entidade que se encarga da promoción do coñecementos, conservación e desenvolvemento do medio rural de Galicia.
• Fundación Ría. Entidade que se encarga da investigación, análise e planificación territorial estratéxica.
• European Anti Poverty Network. Coalición independente de ONG e outros grupos involucrados na loita contra a pobreza e a exclusión social dentro da Unión Europea.
• Caixa Rural Galega. Entidade bancaria ligada a Galicia e á representación do modelo de caixa de aforros tradicional, de proximidade e ética.