Estefanía Calo García, investigadora do grupo GET e do CISPAC, participou recentemente na elaboración do informe Diagnose da situación e tensionamento no mercado residencial no municipio de Santiago de Compostela, un estudo encargado pola Concellería de Urbanismo, Vivenda e Cidade Histórica do Concello de Santiago.

O traballo, realizado xunto a Estefanía López Salas, Raimundo Otero Enríquez e Alberto Rodríguez Barcón, ofrece unha análise detallada do mercado da vivenda na cidade compostelá, tanto na compra como no alugueiro, identificando áreas tensionadas mediante catro indicadores obxectivos. Entre outros aspectos, examínanse factores demográficos, sociais, económicos e inmobiliarios, empregando datos do INE, Idealista, o IGVS ou o Catastro.

Os tres centros galegos de investigación interuniversitarios CISPAC, CITMAga e ECOBAS vimos de asinar a Declaración de Compostela Da ciencia con conciencia na que asumimos o compromiso de construír un ecosistema científico colaborativo baseado na excelencia e utilidade social, cun enfoque aberto á cooperación con outros centros públicos de investigación, tanto universitarios como non universitarios.

A Cátedra Internacional José Saramago organiza este mércores 2 de abril a proxección do filme Embargo, dirixido por António Ferreira en 2010, unha adaptación cinematográfica do conto homónimo incluído en Objecto Quase, publicado en 1978 por José Saramago. O evento terá lugar ás 16:30 no Salón de Actos da Facultade de Filoloxía e Tradución da Universidade de Vigo. A entrada é libre e está aberta a toda a comunidade universitaria e ao público xeral.

O vindeiro sábado 5 de abril terá lugar a Presentación de resultados da intervención arqueóloxica no Alto de San Cibrán no Centro Cultural da Picoña, no Concello de Salceda de Caselas. Esta actividade forma parte do Proxecto de investigación arqueolóxica 'Castelos no aire', que traballa sobre as fortificacións altomedievais galegas.

O acto, que dará comezo ás 19.30h, será presentado por Mario Pereiro Fernández, investigador contratado posdoutoral da Universidade de Santiago de Compostela, investigador do CISPAC e responsábel do proxecto.

Luca Grisolini é doutorando en Ciencias da Educación e Psicoloxía na Universidade de Florencia. O seu traballo céntrase na Historia Social contemporánea, estudando os procesos de gobernanza para a investigación e a valorización educativa do patrimonio material e inmaterial do Casentino.

Co gallo da súa estadía no CISPAC, conversamos con el para coñecer máis sobre a súa investigación.

A Universidade da Coruña fixo entrega esta mañá dos novos espazos habilitados no Edificio de Servizos Centrais dá Investigación (ESCI) aos centros de investigación interuniversitarios nos que participa, entre eles o CISPAC.

As novas instalacións están deseñadas para garantir tanto o traballo individual como a colaboración entre os diferentes centros. Cada un deles conta cun espazo independente de 42m², con dous despachos de 18m² e unha área común de 6m². Ademais, habilitáronse zonas compartidas que favorecen o traballo en grupo, espazos de descanso e unha área para eventos.