Un equipo investigador vinculado ao CISPAC e á Universidade de Santiago de Compostela vén de publicar na revista International Journal of Osteoarchaeology un estudo que permite identificar novas especies consumidas por neandertais e humanos modernos no xacemento de Cova Eirós (Triacastela, Lugo). O traballo emprega por primeira vez neste contexto o método ZooMS, baseado na análise de coláxeno óseo.
O vindeiro 22 de abril, ás 12 horas, o Seminario 103 do CISPAC acollerá a mesa de debate A industrialización da agricultura en España: xeopolítica, planificación e custos socioambientais. A sesión reunirá a Rosa Mª Pardo Sanz, Carlos de Francisco Martiñán e David Soto, e contará coa moderación de Daniel Lanero.
Cíntia Fachada é investigadora na University of Coimbra, concretamente no Centre for Social Studies. O seu traballo céntrase nos incendios forestais e nas estratexias das comunidades locais para facerlles fronte, con especial atención ao papel das redes sociais e da cooperación comunitaria en contextos rurais.
Realizou unha estadía de investigación no CISPAC entre febreiro e abril de 2026. Durante este período, participou nun espazo de intercambio académico arredor das paisaxes rurais e os riscos ambientais.
Os días 22 e 23 de abril de 2026 terá lugar no Auditorio do Museo das Peregrinacións e de Santiago unha nova edición dos Monográficos Iacobus, baixo o título Encamiñarte. Mestres, obras e camiño. O encontro reunirá persoal investigador e técnico arredor do estudo das coleccións do museo, cunha destacada participación de investigadoras e investigadores vinculados ao CISPAC.
O primeiro trimestre de 2026 deixa novas achegas do persoal investigador vinculado ao CISPAC en ámbitos como a historia ambiental, a socioloxía ou os estudos da Antigüidade. Esta selección reúne algunhas das publicacións máis recentes, que permiten trazar unha panorámica das liñas de traballo activas no centro.
