O próximo 22 de maio celebraremos unha nova edición do Ciclo de teses en discusión no Lar do CISPAC. Primeiro intervirá M. Guadalupe Castro (11h). Presentará a súa investigación "Del objeto a la comunidad: cerámica prehistórica de Galicia entre el 3000 y el 1000 ANE". Na actualidade traballa como investigadora no grupo EcoPast. 

Ás 12h será a quenda de Roque Sanfiz Arias, quen falará sobre "Innovación na agricultura atlántica. Galicia 1880-2000". Actualmente cursa o Doutoramento en Historia Contemporánea na USC cunha investigación sobre a innovación e os cambios tecnolóxicos na agricultura galega do século XX. 

O vindeiro mércores 24 de abril, Histagra organiza un novo seminario nas instalacións do CISPAC. Será concretamente no Seminario 103 ás 12:30h.

Nesta ocasión a relatora será Poonam Pandey, investigadora María Zambrano e Investigadora Principal no Laboratorio de Innovación Postcrecemento na UVigo. A súa ponencia leva por título "Merece a pena repetir algunhas historias? A política e a práctica de levar a Revolución Verde ao este da India".

O CISPAC organizou un novo seminario o pasado 4 de abril. Este foi impartido por Astrid Artner-Nehls, investigadora do grupo de investigación BioKun, da Leibniz Centre for Agricultural Landcape Research (ZALF). A súa exposición levou por título “Representations of livestock slurry in German newspapers 1971–2020:a text mining approach”.

O acto foi presentado por Bruno Esperante Ramos, Profesor Axudante Doutor da Área de Institucións Económicas do Departamento de Economía Aplicada (Universidade de Santiago de Compostela).